Տապանագիր
Այսպես գրեք շիրմաքարիս.
<< Մի չարաճճի երեխա էր նա,
որ անչափ սիրում էր քաղցրավենիք
ու սիրում էր ձնագնդիկով կանանց հարվածել ...
Նա սիրում էր ամառային գիշերներով
աննպատակ, անհոգ զբոսնել քաղաքի մայթերով
ու բարևել գիշերային թիթեռնիկներին ...
Նա սիրում էր քաշքշել աղջիկների վարսերից,
նա սիրում էր կատուներին ...
Նա մի անտուն պոետ էր,
ասպետ էր նա մի խնդասիրտ,
որ Կապույտ դղյակի Տիրուհուն էր սիրահարված
ով ուներ մոխրագույն աչքեր
և երկնագույն ժպիտ ...
Բայց ամենից շատ
նա սիրում էր դաշտում մենակ պարել
ու իր քեռուն >> :
Комментариев нет:
Отправить комментарий