Կարմիր դղյակի
կարմիր սենյակներում
սիրո բաժակը ժամում հազար անգամ
խմվում-լցվում է, խմվում-լցվում է ...
Որքա՜ն արցունք է հոսել
կարմիր դղյակի
կարմիր սենյակներում,
որքա՜ն արյուն է թափվել
կարմիր դղյակի
կարմիր սենյակներում ...
Ուխտավոր, թե բախտը քեզ ժպտա
ու օրերից մի օր դու էլ
հայտնվես այնտեղ,
չզարմանաս, եթե տեսնես
սև ներկված մի փակ դուռ,
գլուխ խոնարհիր
ու մի կարմիր վարդ դիր այդ սև դռան առաջ -
այնտեղ իմ սիրտն է թաղված ...
Комментариев нет:
Отправить комментарий