Այնպես համահունչ, այնպես համընթաց,
ներդաշնակ էին մեր հոգիները...
Ու կապույտ էր հոգիս աչքերիդ նման,
ու ժպտում էր հոգիս աչքերիդ նման,
ու ոտից գլուխ սիրտ էի ես,
ու ոտից գլուխ սիրտ էիր դու...
Բայց ալ էի ես ոտից գլուխ,
ու ոտից գլուխ մով էիր դու,
բայց ամպ էի ես ոտից գլուխ,
ու ոտից գլուխ շանթ էիր դու,
բայց դող էի ես ոտից գլուխ,
ու ոտից գլուխ շող էիր դու,
բայց կավ էի ես ոտից գլուխ,
ու ոտից գլուխ կող էիր դու...
Ու քոնն էի ես ոտից գլուխ,
ու ոտից գլուխ քոնն էիր դու...
Комментариев нет:
Отправить комментарий